டி20 தொடரைக் கைப்பற்றும் முனைப்பில் இந்தியா; உற்சாகத்தில் நியூஸிலாந்து

இந்தியா-நியூஸிலாந்து அணிகளுக்கு இடையிலான டி20 தொடர் புதன்கிழமை (ஜன.

- 

21) நாகபுரியில் தொடங்கி நடைபெறுகிறது.முதன்முறையாக இந்திய மைதானத்தில் ஒருநாள் தொடரைக் கைப்பற்றிய உற்சாகத்தில் நியூஸிலாந்து அணி களம் காண்கிறது.

வரும் பிப். 7-ஆம் தேதி ஐசிசி டி20 உலகக் கோப்பை இந்தியா - இலங்கையில் தொடங்கி நடைபெறுகிறது. இதற்கு தயாராகும் வகையில் கடைசி தொடராக இரு அணிகளுக்கு இது அமைந்துள்ளது. 5 ஆட்டங்கள் கொண்ட தொடரில் சிறப்பாக ஆட இரு அணிகளும் விழைந்துள்ளன.

ஒருநாள் தொடரில் இரு அணிகளிலும் முக்கிய வீரர்கள் ஆடவில்லை. ஆனால் டி 20 தொடரில் முழு அணியும் இடம் பெறுகிறது. நியூஸிலாந்து அணியில் ரெகுலர் கேப்டன் மிட்செல் சான்ட்நர் மீண்டும் ஆட உள்ளார். அதே போல் ரச்சின் ரவீந்திரா, மேட் ஹென்றி, ஜேக்கப் டஃபி ஆகியோர் களம் காண்கின்றனர்.