நவம்பரில் 28% குறைந்த தாவர எண்ணெய் இறக்குமதி

சுத்திகரிக்கப்பட்ட ஆர்பிடிபி பால்மோலின் இறக்குமதி வீழ்ச்சியால், இந்தியாவின் தாவர எண்ணெய் இறக்குமதி கடந்த நவம்பரில் 28 சதவீதம் குறைந்துள்ளது.

- 

இது குறித்து இந்திய எண்ணெய் உற்பத்தியாளர்கள் சங்கம் (எஸ்இஏ) வெளியிட்டுள்ள அறிக்கையில் தெரிவிக்கப்பட்டுள்ளதாவது:

உலகின் மிகப் பெரிய தாவர எண்ணெய் இறக்குமதி நாடான இந்தியா, கடந்த நவம்பர் மாதம் 11.83 லட்சம் டன் தாவர எண்ணெய்யை இறக்குமதி செய்திருந்தது. முந்தைய 2024-ஆம் ஆண்டின் இதே மாதத்தோடு ஒப்பிடுகையில் இது 28 சதவீதம் குறைவு. அப்போது நாட்டின் தாவர எண்ணெய் இறக்குமதி 16.50 லட்சம் டன்னாக இருந்தது.