ரஷிய ராணுவத்தில் இந்தியர்களைச் சேர்ப்பதை நிறுத்த வேண்டும்

ரஷிய ராணுவ உதவிப் பணிகளுக்கு இந்தியர்களைச் சேர்ப்பதை நிறுத்த வேண்டும்; இப்போது ராணுவப் பணியில் உள்ள இந்தியர்களை அதிலிருந்து விடுவிக்க வேண்டும் என்று மத்திய வெளியுறவு அமைச்சகம் வலியுறுத்தியுள்ளது.

- 

புது தில்லி, செப். 11:

உக்ரைனுக்கு எதிராக தொடர்ந்து 3 ஆண்டுகளாக ரஷியா போர் நடத்தி வருவதால், அங்கு ராணுவத்தில் வீரர்கள் பற்றாக்குறை ஏற்பட்டுள்ளது. இதனால், வெளிநாடுகளில் இருந்து ரஷிய ராணுவத் தளவாட ஆலைகள் உள்ளிட்ட பணிகளுக்கு வருபவர்கள் கட்டாயமாக ராணுவ உதவிப் பணிக்கு சேர்க்கப்படுகின்றனர். இந்தியா, வடகொரியாவைச் சேர்ந்தவர்கள் ரஷிய ராணுவத்தில் அதிக எண்ணிக்கையில் இருப்பதாகத் தெரிகிறது. இவர்களில் பலர் தாக்குதலில் சிக்கி உயிரிழப்பதும் தெரிய வருகிறது. இது தொடர்பாக ரஷியா கடுமையான விமர்சனங்களை எதிர்கொண்டு வருகிறது.

புது தில்லியில் வியாழக்கிழமை செய்தியாளர்களைச் சந்தித்த வெளியுறவு அமைச்சக செய்தித் தொடர்பாளர் ரண்தீர் ஜெய்ஸ்வாலிடம் இது தொடர்பாக கேள்வி எழுப்பப்பட்டது. அதற்கு அவர் அளித்த பதில்: