6 பேர் சுட்டுக் கொலை

இஸ்ரேலின் ஜெருசலேம் நகரிலுள்ள பேருந்து நிறுத்தத்தில் 2 பாலஸ்தீனர்கள் திங்கள்கிழமை நடத்திய சரமாரி துப்பாக்கிச்சூட்டில் 6 பேர் உயிரிழந்தனர்; 12 பேர் காயமடைந்தனர்.

- 

ஜெருசலேம், செப். 8: இது குறித்து போலீஸார் கூறியதாவது:

வடக்கு ஜெருசலேமின் முக்கிய சந்திப்பில் உள்ள பேருந்து நிறுத்தமொன்றில் பேருந்துக்காக காத்திருந்தவர்களை நோக்கி 2 பாலஸ்தீனர்கள் சரமாரியாக துப்பாக்கியால் சுட்டனர். இதில் ஸ்பெயின் நாட்டைச் சேர்ந்த ஒருவர் உள்பட 6 பேர் உயிரிழந்தனர்; 12 பேர் காயமடைந்தனர்.

துப்பாக்கிச்சூடு நடத்தியவர்களை அங்கிருந்த ராணுவ வீரரும் மற்றொரு நபரும் சுட்டுக் கொன்றனர். இந்தத் தாக்குதல் கிழக்கு ஜெருசலேமில் உள்ள யூத குடியிருப்புகளுக்கு செல்லும் வழியில் நடத்தப்பட்டது என்று போலீஸார் கூறினர்.