பலத்த பாதுகாப்புடன் விநாயகர் சிலைகள் விசர்ஜன ஊர்வலம்

விநாயகர் சதுர்தியையொட்டி வேலூர் மாநகரில் ஆங்காங்கே வைத்து வழிபாடு செய்யப்பட்ட விநாயகர் சிலைகள் வெள்ளிக்கிழமை பலத்த போலீஸ் பாதுகாப்புடன் ஊர்வலமாக எடுத்துச் செல்லப்பட்டு சதுப்பேரி ஏரியில் கரைக்கப்பட்டன.

- 

வேலூர், ஆக.29: விநாயகர் சதுர்தியையொட்டி வேலூர் மாநகரில் ஆங்காங்கே வைத்து வழிபாடு செய்யப்பட்ட விநாயகர் சிலைகள் வெள்ளிக்கிழமை பலத்த போலீஸ் பாதுகாப்புடன் ஊர்வலமாக எடுத்துச் செல்லப்பட்டு சதுப்பேரி ஏரியில் கரைக்கப்பட்டன.

விநாயகர் சதுர்த்தி புதன்கிழமை கொண்டாடப்பட்ட நிலையில், பல்வேறு இந்து அமைப்புகள், பொதுமக்கள் சுமார் 1,040 இடங்களில் விநாயகர் சிலைகளை வைத்து பூஜைகள் செய்து வழிபட்டனர். தவிர, பொதுமக்கள் தங்கள் வீடுகளிலும் களிமண் விநாயகர் சிலைகளை வைத்தும் வழிபட்டனர்.

மூன்றாம் நாளான வெள்ளிக்கிழமை வேலூர் மாநகரில் வைக்கப்பட்ட சிலைகளை கரைப்பதற்கான விசர்ஜன ஊர்வலம் நடைபெற்றது. அதன்படி, விநாயகர் சிலை ஊர்வலம் சத்துவாச்சாரி அஞ்சநேயர் கோயிலில் தொடங்கியது. ஊர்வலத்தின்போது ஏராளமான இளைஞர்கள் மேளதாளம், தப்பாட்டம் அடித்தபடி ஆடிக்கொண்டு உற்சாகமாக சென்றனர்.