மலைப் பகுதி பேருந்துகளில் மாற்றுத்திறனாளிகளுக்கு இலவச பயணத் திட்டம்

முதல்வர் மு.க.ஸ்டாலின் அறிவிப்பு

- 

சென்னை, ஆக. 15: மலைப் பகுதி பேருந்துகளில் மாற்றுத்திறனாளிகளுக்கு கட்டணமில்லாத விடியல் பயணத் திட்டம் செயல்படுத்தப்படும் என்று முதல்வர் மு.க.ஸ்டாலின் அறிவித்தார்.

மேலும், மாவட்டத்துக்கு ஒரு ஓட்டுநர் பயிற்சிப் பள்ளி தொடங்கப்படும் என்றும் அவர் தெரிவித்தார்.

சுதந்திர தினத்தையொட்டி சென்னை கோட்டை கொத்தளத்தில் தேசியக் கொடியை ஏற்றி வைத்து முதல்வர் மு.க.ஸ்டாலின் உரையாற்றினார். அப்போது மாநில மக்களுக்கு ஒன்பது அறிவிப்புகளை வெளியிட்டார். அவரது உரை விவரம்:

கடந்த கால தியாகிகளைப் போற்றும் அதே தருணத்தில், இன்றைய மக்களையும், வருங்கால தமிழ்நாட்டையும் வளர்த்தெடுக்கும் அரசாக திமுக அரசு செயல்பட்டு வருகிறது. கடந்த நான்காண்டு காலத்தில், தமிழ்நாட்டின் வளர்ச்சியானது ஒற்றைத் துறை வளர்ச்சியாக இல்லாமல், பல்துறை வளர்ச்சியாக இருக்கிறது.