இறுதியில் ஸ்வியாடெக் - அனிசிமோவா பலப்பரீட்சை

விம்பிள்டன் டென்னிஸ் போட்டியின் மகளிர் ஒற்றையர் இறுதிச்சுற்றில், போலந்தின் இகா ஸ்வியாடெக் - அமெரிக்காவின் அமாண்டா அனிசிமோவா பலப்பரீட்சை நடத்தவுள்ளனர்.

- 

லண்டன், ஜூலை 11:

முன்னதாக அரையிறுதிச்சுற்றில், போட்டித்தரவரிசையில் 8-ஆம் இடத்திலிருக்கும் ஸ்வியாடெக் 6-2, 6-0 என்ற நேர் செட்களில் மிக எளிதாக, சுவிட்சர்லாந்தின் பெலிண்டா பென்சிச்சை தோற்கடித்தார்.

இந்த ஆட்டம் 1 மணி நேரம், 12 நிமிஷங்களில் முடிவுக்கு வந்தது. இருவருக்குமே விம்பிள்டனில் இது முதல் அரையிறுதி என்பது குறிப்பிடத்தக்கது. இவர்கள் நேருக்கு நேர் மோதியது, இது 6-ஆவது முறையாக இருக்க, ஸ்வியாடெக் தனது 5-ஆவது வெற்றியைப் பதிவு செய்திருக்கிறார்.