ஓரணியில் தமிழ்நாடு இயக்கத்தின் கீழ் புதிய உறுப்பினர் சேர்க்கை

‘ஓரணியில் தமிழ்நாடு’ இயக்கத்தின் கீழ் அமைச்சர் ஆர்.காந்தி வீடு வீடாக சென்று புதிய உறுப்பினர் சேர்க்கையை ராணிப்பேட்டையில் தொடங்கி வைத்தார்.

- 

ராணிப்பேட்டை, ஜூலை 3: ‘ஓரணியில் தமிழ்நாடு’ இயக்கத்தின் கீழ் அமைச்சர் ஆர்.காந்தி வீடு வீடாக சென்று புதிய உறுப்பினர் சேர்க்கையை ராணிப்பேட்டையில் தொடங்கி வைத்தார்.

முதல்வர் மு.க.ஸ்டாலின் முன்னெடுப்பில் கீழ் புதிய உறுப்பினர்கள் சேர்க்கை ராணிப்பேட்டை சட்டப்பேரவைத் தொகுதிக்குட்பட்ட காரை கிராமத்தில் கைத்தறி மற்றும் துணிநூல் துறை அமைச்சர் ஆர்.காந்தி வீடு வீடாக சென்று அரசின் சாதனைகளை விளக்கி, புதிய உறுப்பினர் சேர்க்கையை தொடங்கி வைத்தார். அப்போது ஒரு குழந்தைக்கு கனிமொழி என்று பெயர் சூட்டினார்.

இதில் சுற்றுச்சூழல் அணி மாநில துணைச் செயலாளர் ஆர்.வினோத் காந்தி, நகர்மன்றத் தலைவர் சுஜாதா வினோத், மாவட்ட மாணவரணி அமைப்பாளர் எஸ்.வினோத் மற்றும் திமுக நிர்வாகிகள் கலந்து கொண்டனர்.

குடியாத்தத்தில்... குடியாத்தம் நகர திமுக சார்பில் ‘ஓரணியில் தமிழ்நாடு’ இயக்கத்தின் கீழ் புதிய உறுப்பினர்கள் சேர்க்கை ஊர்வலம் வியாழக்கிழமை நடைபெற்றது.