டிரம்ப்புக்கு பின்னடைவா? பெரு வெற்றியா?

ஈரான் மீது இஸ்ரேல் நடத்தியுள்ள தாக்குதல் உலக அமைதிக்கான மிக முக்கிய படி. இதன் மூலம் ஈரானின் அணு ஆயுதக் கனவு முடிவுக்கு வந்தது

- 

ஈரானின் அணுசக்தி, ராணுவ நிலைகளைக் குறிவைத்து இஸ்ரேல் வெள்ளிக்கிழமை அதிகாலை தாக்குதல் நடத்திய பிறகு டிரம்ப் எழுப்பிய வெற்றி முழக்கம் இது.

மிகத் துல்லியமான தாக்குதல்களின் மூலம் ஈரானின் முக்கிய தளபதிகள், அணு விஞ்ஞானிகள் படுகொலை, அணுசக்தி மையங்கள் தகர்ப்பு என்று கச்சிதமாக இந்தத் தாக்குதலை நடத்தி முடித்திருக்கிறது இஸ்ரேல். ஆனால் இஸ்ரேலின் இந்த வெற்றிக்கு சொந்தம் கொண்டாடுவதைப் போல் அமைந்திருந்தது டிரம்ப்பின் வெற்றிக் களிப்பு.

உண்மையில், ஈரான் அணுசக்தி மையங்கள் மீது தாக்குதல் நடத்தக்கூடாது என்றுதான் டிரம்ப் நீண்டகாலமாக இஸ்ரேலை வலியுறுத்தி வந்தார். கடைசியாக கடந்த மே 20-ஆம் தேதி கூட இஸ்ரேல் பிரதமர் பெஞ்சமின் நெதன்யாகுவை நேரில் சந்தித்த டிரம்ப், ஈரானுடன் பேச்சுவார்த்தை அமைதியைக் குலைக்கும் எனவும் எச்சரித்தார்.

ஆனால் அதையெல்லாம் லட்சியம் செய்யாத நெதன்யாகு, திட்டமிட்டபடி தனது தாக்குதல் நடவடிக்கைகளை தற்போது நிறைவேற்றியிருக்கிறார். இதை தனது வெற்றியாக டிரம்ப் காட்டிக் கொள்ள முயன்றாலும், உண்மையில் அது அவருக்கு மிகப் பெரிய பின்னடைவுதான் என்கிறார்கள் நிபுணர்கள்.