இந்தியா - மங்கோலியா கூட்டு ராணுவப் பயிற்சி

இந்தியா - மங்கோலியா கூட்டு ராணுவப் பயிற்சியில் பயங்கரவாத எதிர்ப்பு நடவடிக்கைகளுக்கு முக்கியத்துவம் அளிக்கப்படுவதாக இந்திய ராணுவம் தெரிவித்தது.

- 

புது தில்லி, ஜூன் 8:

இதுதொடர்பாக இந்திய ராணுவ உயரதிகாரி ஞாயிற்றுக்கிழமை கூறியதாவது: இரு நாட்டு ராணுவத்தினரும், தங்களின் செயல்திறனை மேம்படுத்திக்கொள்ளவும், உத்திகள், போர் அனுபவங்கள், நிபுணத்துவங்களை பரஸ்பரம் பகிர்ந்துகொள்ளவும் இந்தப் பயிற்சி மேற்கொள்ளப்படுகிறது.

வளர்ந்து வரும் நகர்ப்பகுதி மற்றும் மலைப் பாங்கான பகுதிகள் போன்ற சவாலான இடங்களில் எதிர்பாராத சூழல்களை எதிர்கொள்ளும் வகையிலான, வழக்கத்துக்கு மாறான பயிற்சிகளில் அந்தப் படையினர் ஈடுபடுகின்றனர்.