இந்தியாவின் ராணுவ செலவினம் பாகிஸ்தானைவிட 9 மடங்கு அதிகம்!

கடந்த 2024-ஆம் ஆண்டில் இந்தியாவின் ராணுவச் செலவினம் பாகிஸ்தானின் செலவினத்தை விட கிட்டத்தட்ட ஒன்பது மடங்கு அதிகமாக இருந்தது என்று ஸ்விட்சர்லாந்தைச் சேர்ந்த 'சிப்ரி' அமைப்பு திங்கள்கிழமை வெளியிட்ட ஆய்வு முடிவில் தெரியவந்தது.

- 

புது தில்லி, ஏப். 28: கடந்த 2024-ஆம் ஆண்டில் இந்தியாவின் ராணுவச் செலவினம் பாகிஸ்தானின் செலவினத்தை விட கிட்டத்தட்ட ஒன்பது மடங்கு அதிகமாக இருந்தது என்று ஸ்விட்சர்லாந்தைச் சேர்ந்த 'சிப்ரி' அமைப்பு திங்கள்கிழமை வெளியிட்ட ஆய்வு முடிவில் தெரியவந்தது.

ஸ்டாக்ஹோம் சர்வதேச அமைதி ஆராய்ச்சி நிறுவனம் (சிப்ரி), '2024-ஆம் ஆண்டுக்கான உலக ராணுவ செலவினங்களின் போக்குகள்' என்ற தலைப்பில் தனது ஆய்வு முடிவுகளை அறிக்கையாக வெளியிட்டுள்ளது.

அந்த அறிக்கையில் குறிப்பிட்டுள்ள தகவலின்படி, 2024-ஆம் ஆண்டில், உலக ராணுவச் செலவு 2.71 லட்சம் கோடி டாலரை எட்டியது. இது 2023-ஆம் ஆண்டை விட 9.4% அதிகமாகும். பனிப்போர் முடிவடைந்ததிலிருந்து காணப்படும் மிக உயர்ந்த வருடாந்திர அதிகரிப்பு இதுவாகும்.

முதல் 5: ராணுவச் செலவினங்களில் அமெரிக்கா, சீனா, ரஷியா, ஜெர்மனி, இந்தியா ஆகிய நாடுகள் உலக அளவில் முதல் ஐந்து இடங்களில் உள்ளன. உலகளாவிய மொத்த ராணுவச் செலவினங்களில் இந்த 5 நாடுகள் மட்டும் 60% (1.63 லட்சம் கோடி டாலர்) பங்கு கொண்டுள்ளன.