மேட்டூர் அனல் மின்நிலைய உலர் சாம்பல் விற்பனை?: அறிக்கை தாக்கல் செய்ய உயர்நீதிமன்றம் உத்தரவு

மேட்டூர் அனல் மின் நிலையத்தில் குறு, சிறு மற்றும் நடுத்தர நிறுவனங்களுக்கு இலவசமாக வழங்கப்படும் உலர் சாம்பல் வெளிச்சந்தையில் அதிக விலைக்கு விற்பனை செய்யப்படுகிறதா என்பது குறித்து அறிக்கை தாக்கல் செய்ய சென்னை உயர்நீதிமன்றம் உத்தரவிட்டது.

- 

சென்னை, ஆக.26:

சேலத்தைச் சேர்ந்த சந்தோஷ் என்பவர் சென்னை உயர்நீதிமன்றத்தில் தாக்கல் செய்த மனுவில், மேட்டூரில் உள்ள அனல்மின் நிலையத்தில் கிடைக்கும் உலர் சாம்பல் சிறு, குறு நிறுவனங்களுக்கு பகிர்ந்து அளிக்காமல், தனியார் நிறுவனத்துக்கு சட்டவிரோதமாக வழங்கப்படுவதாகவும், அதை தனியார் நிறுவனம் அதிக விலைக்கு விற்பனை செய்வதாகவும் குறிப்பிட்டிருந்தார்.

இந்த முறைகேடு குறித்து தமிழக மின் உற்பத்தி மற்றும் பகிர்மானக் கழக இயக்குநருக்கு புகார் அளித்தும் நடவடிக்கை இல்லை. இந்த புகார் உரிய நடவடிக்கை எடுக்க உத்தரவிட வேண்டும் என கூறியிருந்தார்.

இந்த வழக்கை விசாரித்த உயர்நீதிமன்றம், உலர் சாம்பல் ஒதுக்கீடு தொடர்பான ஆவணங்களுடன் தமிழக மின் உற்பத்தி மற்றும் பகிர்மானக் கழக இயக்குநர் நேரில் ஆஜராக உத்தரவிட்டிருந்தது.