போதைப் பழக்கத்துக்கு ஆளானவர்களை நல்வழிப்படுத்துவதில் அனைவரின் பங்கும் முக்கியம்

போதைப் பழக்கத்துக்கு ஆளானவர்களை மீட்டெடுத்து, அவர்களை நல்வழிப்படுத்துவதில் ஒவ்வொருவரின் பங்களிப்பும் முக்கியம் என்று மாவட்ட ஆட்சியர் வ. மோகனசந்திரன் அறிவுறுத்தினார்.

- 

திருவாரூர், ஆக.11:

சென்னையில், ‘போதைப் பொருள்கள் இல்லாத தமிழ்நாடு’ என்ற மாநில அளவிலான பெருந்திரள் உறுதிமொழி ஏற்பு விழா துணை முதல்வர் உதயநிதி ஸ்டாலின் தலைமையில் காணொலி மூலம் திங்கள்கிழமை நடைபெற்றது. இதையொட்டி, குடவாசல் அருகேயுள்ள மஞ்சக்குடி சுவாமி தயானந்தா அரசு கலை மற்றும் அறிவியல் கல்லூரி வளாகத்தில் நடைபெற்ற நிகழ்ச்சியில் மாவட்ட ஆட்சியர் வ. மோகனசந்திரன், சட்டப்பேரவை உறுப்பினர் பூண்டி கே. கலைவாணன், மாவட்ட காவல் கண்காணிப்பாளர் கருணாகரன் உள்ளிட்டோர் பங்கேற்றனர்.