'சமக்ர சிக்ஷா' திட்ட நிதியை நிபந்தனையின்றி விடுவிக்க வேண்டும்

பிரதமரிடம் தமிழக அரசு மனு

- 

சென்னை, ஜூலை 27: பிஎம்-2020 முழுமையாக அமல்படுத்த வேண்டும் என்ற நிபந்தனையை மத்திய அரசு வைத்துள்ளது. ஆனால், தமிழக அரசு சட்டபூர்வ மற்றும் கொள்கை அடிப்படைகளில் தேசியக் கல்விக் கொள்கையின் சில அம்சங்களில், குறிப்பாக மும்மொழிக் கொள்கை மற்றும் 5+3+3+4 கட்டமைப்பில் பள்ளிக்கட்டமைப்பு மாற்றம் ஆகியவற்றில் தனது மாற்றுக்கருத்துகளை தெரிவித்துள்ளது.

ரூ.2,151 கோடியை விடுவிக்க வேண்டும்: தமிழக பள்ளிக் கல்வி அமைப்பில் தற்போது 43.90 லட்சம் மாணவர்கள், 2.20 லட்சம் ஆசிரியர்கள் மற்றும் 32,000-க்கும் மேற்பட்ட உதவிப் பணியாளர்கள் உள்ளனர். இதுபோன்ற முக்கிய திட்டத்துக்கு தேவையான நிதியை வழங்காமல் இருப்பது, லட்சக்கணக்கான மாணவர்களின் எதிர்காலத்தை பாதிக்கிறது. எனவே, கடந்த நிதியாண்டிற்கான நிலுவையிலுள்ள ரூ.2,151.59 கோடி மத்திய அரசின் பங்கையும், 2025-26 ஆம் ஆண்டிற்கான முதல் தவணை நிதியையும் விரைவாக வழங்கிடவும், ‘பிஎம் ஸ்ரீ புரிந்துணர்வு ஒப்பந்தத்தில் கையொப்பமிடுவதை நிபந்தனையாக்காமல் நிதியை விடுவிக்கவும் வேண்டும்.