அரசு பங்களாவை காலி செய்யாத முன்னாள் தலைமை நீதிபதி

மத்திய அரசுக்கு உச்சநீதிமன்றம் கடிதம்

- 

புது தில்லி, ஜூலை 6: உச்சநீதிமன்ற முன்னாள் தலைமை நீதிபதி டி.ஒய். சந்திரசூட் தில்லி அரசு பங்களாவில் அனுமதிக்கப்பட்ட காலகட்டத்தை கடந்து தங்கியுள்ளார். ஓய்வு பெற்று 8 மாதங்களாகிய பிறகும் அரசு பங்களாவில் தங்கியுள்ள அவரை காலி செய்துவிட்டு, அரசிடம் திரும்ப ஒப்படைக்க நடவடிக்கை எடுக்கக்கோரி மத்திய வீட்டுவசதி மற்றும் நகர்ப்புற விவகாரங்கள் துறை அமைச்சகத்துக்கு உச்சநீதிமன்ற நிர்வாகம் கடிதம் எழுதியுள்ளது. இதுவரை இல்லாத நடவடிக்கையாக இது கருதப்படுகிறது.