புதுவை மத்திய பல்கலைக்கழகத்தில் 25% இடஒதுக்கீடு: குடியரசு துணைத் தலைவரிடம் கோரிக்கை

புதுவை மத்திய பல்கலைக்கழகத்தின் அனைத்துப் படிப்புகளிலும் புதுச்சேரி மாணவர்களுக்கு 25 சதவீத இட ஒதுக்கீட்டை உறுதி செய்ய வேண்டும் என்று குடியரசு துணைத் தலைவர் ஜகதீப் தன்கரிடம் முதல்வர் என்.ரங்கசாமி கடிதம் அளித்தார்.

- 

புதுச்சேரி, ஜூன் 16:

புதுச்சேரிக்கு 3 நாள் அரசு முறைப் பயணமாக வந்த குடியரசு துணைத் தலைவர் ஜகதீப் தன்கருக்கு துணைநிலை ஆளுநர் கே. கைலாஷ்நாதன் ஞாயிற்றுக்கிழமை இரவு விருந்து அளித்தார். அப்போது இதுதொடர்பான கடிதத்தை குடியரசு துணைத் தலைவரிடம் முதல்வர் என்.ரங்கசாமி அளித்தார்.

கடித விவரம்: புதுவை மத்திய பல்கலைக்கழகம் நடத்தும் அனைத்துப் படிப்புகளிலும் 25 சதவீத இட ஒதுக்கீடு அளிக்க வேண்டும் என்ற கோரிக்கை புதுவை மக்களின் எதிர்பார்ப்பாக இருக்கிறது.