பாதுகாப்புத் துறையில் நம்பிக்கைக்குரிய ஏற்றுமதி நாடாக இந்தியா: ராஜ்நாத் சிங்

பிரதமர் மோடியின் உறுதியான தொலைநோக்கு மிக்க தலைமையின்கீழ் பாதுகாப்புத் துறையில் இறக்குமதி சார்ந்த பாணியில் இருந்து உலகின் நம்பிக்கைக்குரிய ஏற்றுமதி நாடாக இந்தியா மாறியுள்ளது என்று பாதுகாப்புத் துறை அமைச்சர் ராஜ்நாத் சிங் தெரிவித்தார்.

- 

டேராடூன்/புது தில்லி, ஜூன் 10:

இது தொடர்பாக அவர் செவ்வாய்க்கிழமை வெளியிட்ட எக்ஸ் பதிவில் கூறியிருப்பதாவது: வலுவான எல்லைகள், நவீன ஆயுதப் படைகள், உள்நாட்டு ஆயுதங்கள், சாதனை அளவிலான பாதுகாப்பு ஏற்றுமதி என கடந்த 11 ஆண்டுகளில் பாதுகாப்புத் துறை வரலாற்றுச் சிறப்புமிக்க மாற்றத்தை கண்டுள்ளது. வலிமை-தற்சார்பு-உலகளாவிய வியூக கூட்டாண்மையை நோக்கி இந்தியா பீடுநடைபோட்டுள்ளது.