அநேக இந்திய மொழிகளுக்கு தாய் சம்ஸ்கிருதம்

உள்துறை அமைச்சர் அமித் ஷா

- 

புது தில்லி, மே 4: அநேக இந்திய மொழிகளுக்கு தாய் சம்ஸ்கிருதம்; இம்மொழியை ஊக்குவிப்பது அதன் மறுமலர்ச்சிக்கானது மட்டுமல்ல, நாட்டின் ஒட்டுமொத்த வளர்ச்சிக்கானது என்று மத்திய உள்துறை அமைச்சர் அமித் ஷா தெரிவித்தார்.

தில்லியில் 1008 சம்ஸ்கிருத உரையாடல் அமர்வுகளின் (சம்ஸ்கிருத சம்பாஷண் ஷிவிர்) நிறைவு விழா ஞாயிற்றுக்கிழமை நடைபெற்றது. இதில் உள்துறை அமைச்சர் அமித் ஷா தலைமை விருந்தினராக பங்கேற்றுப் பேசியதாவது:

காலனித்துவ ஆட்சிக்கு முன்பே சம்ஸ்கிருதத்தின் வீழ்ச்சி தொடங்கியது. அதன் மறுமலர்ச்சிக்கு காலமும் தொடர் முயற்சியும் தேவைப்படுகிறது. பிரதமர் நரேந்திர மோடியின் தலைமையிலான ஆட்சியில், சம்ஸ்கிருதத்தின் மறுமலர்ச்சிக்கு நாடு முழுவதும் சாதகமான சூழ்நிலை உருவாகியுள்ளது. உலகின் புகழ்பெற்ற மொழி அறிஞர்கள் பலரும் சம்ஸ்கிருதத்தை மிக அறிவியல்பூர்வ மொழியாக அங்கீகரித்துள்ளனர்.