ரயில்வே தேர்வு வாரிய தேர்வு திடீர் ரத்து

தென் தமிழக மாணவர்கள் ஹைதராபாதில் அவதி

- 

மதுரை, மார்ச் 19: ரயில்வே தேர்வு வாரியத் தேர்வு திடீரென ரத்து செய்யப்பட்டதால், இந்தத் தேர்வு எழுதுவதற்காக ஹைதராபாதுக்குச் சென்ற தென் தமிழகத் தேர்வர்கள் செய்வதறியா நிலைக்கு உள்ளாகினர்.

ரயில்வே தேர்வு வாரியம் மூலம் ரயில் உதவி ஓட்டுநர் (லோகோ பைலட்) பணியிடங்களுக்கான இரண்டாம் கட்டத் தேர்வு மார்ச் 19, 20 ஆகிய தேதிகளில் நடைபெறும் என அறிவிக்கப்பட்டது. இதில், தமிழகத்தைச் சேர்ந்த தேர்வர்களில் பெரும்பாலானோருக்கு தெலங்கானா மாநிலத்தில் தேர்வு மையங்கள் ஒதுக்கீடு செய்யப்பட்டன. இதற்கு திமுக, அதிமுக, மார்க்சிஸ்ட் உள்ளிட்ட அரசியல் கட்சிகள் கடும் கண்டனம் தெரிவித்தன.