கார்ல்செனை மீண்டும் வீழ்த்தினார் பிரக்ஞானந்தா

நார்வே செஸ் போட்டியின் 3-ஆவது சுற்றில் இந்தியாவின் ஆர். பிரக்ஞானந்தா, உலகின் நம்பர் 1 போட்டியாளரான நார்வேயின் மேக்னஸ் கார்ல்செனை வீழ்த்தினார்.

- 

பிரக்ஞானந்தா

கடுமையாகச் சவால் அளிக்கும் திறமையாளரான கார்ல்செனை, கிளாஸிக்கல் கேமில் பிரக்ஞானந்தா வீழ்த்தியது இது 2-ஆவது முறையாகும். ஏற்கெனவே, இதே நார்வே செஸ் போட்டியில் 2024-இல் அவர் கார்ல்செனை வென்றுள்ளார். அனைத்து போட்டிகளிலுமாக அவர் கார்ல்செனை வீழ்த்தியது இது 9-ஆவது முறையாகும்.

நார்வேயில் நடைபெறும் இந்த செஸ் போட்டியின் 3-ஆவது சுற்று ஆட்டங்கள், இந்திய நேரப்படி புதன்கிழமை நள்ளிரவு நிறைவடைந்தன. இதில் வெள்ளை நிற காய்களுடன் களம் கண்ட பிரக்ஞானந்தா, கார்ல்செனுக்கு சவால் அளித்தார்.