விஜயகாந்த் பிறந்த நாளை வறுமை ஒழிப்பு தினமாக கடைப்பிடிக்க வேண்டும்: பிரேமலதா

தேமுதிக நிறுவனர் விஜயகாந்த் பிறந்த நாளை வறுமை ஒழிப்பு தினமாக கடைப்பிடிக்க வேண்டும் என்று அக்கட்சியினருக்கு பொதுச் செயலாளர் பிரேமலதா விஜயகாந்த் அறிவுறுத்தினார்.

- 

விழுப்புரம், ஆக.22:

விழுப்புரம் மாவட்டம், திருவெண்ணெய்நல்லூர்கடைவீதியில் தேமுதிக சார்பில், 'உள்ளம் தேடி - இல்லம் நாடி' பிரசார நிகழ்வு வெள்ளிக்கிழமை நடைபெற்றது. இதில் பங்கேற்று பிரேமலதா விஜயகாந்த் பேசியது:

திருக்கோவிலூர் சட்டப்பேரவைத் தொகுதி தேமுதிகவின் இரும்புக்கோட்டையாகும். இந்தத் தொகுதியில் நாம் மீண்டும் வெற்றிபெற வேண்டும். விஜயகாந்தின் இலக்குகளை நாம் அடைந்தே தீருவோம். தேமுதிக 2.0 வரும் ஜனவரி மாதம் தொடங்குகிறது.