மும்பைக்கு தொடர்ந்து 6-ஆவது வெற்றி

ஐபிஎல் போட்டியின் 50-ஆவது ஆட்டத்தில் மும்பை இண்டியன்ஸ் 100 ரன்கள் வித்தியாசத்தில் ராஜஸ்தான் ராயல்ஸை அதன் மண்ணிலேயே வீழ்த்தி, வியாழக்கிழமை அபார வெற்றி கண்டது.

- 

ஜெய்பூர், மே 1: ஐபிஎல் போட்டியின் 50-ஆவது ஆட்டத்தில் மும்பை இண்டியன்ஸ் 100 ரன்கள் வித்தியாசத்தில் ராஜஸ்தான் ராயல்ஸை அதன் மண்ணிலேயே வீழ்த்தி, வியாழக்கிழமை அபார வெற்றி கண்டது.

முதலில் மும்பை 20 ஓவர்களில் 2 விக்கெட்டுகள் இழப்புக்கு 217 ரன்கள் சேர்க்க, ராஜஸ்தான் 16.1 ஓவர்களில் 117 ரன்களுக்கே 10 விக்கெட்டுகளையும் இழந்தது.

முதலில் மும்பை பேட்டிங்கில் டாப் ஆர்டர் வீரர்கள் அசத்த, பின்னர் அதன் பௌலர்கள் அனைவருமே விக்கெட்டுகள் வீழ்த்தி அணியின் வெற்றிக்கு வழிவகுத்தனர். மும்பைக்கு இது தொடர்ந்து 6-ஆவது வெற்றியாகும்.

முன்னதாக இந்த ஆட்டத்தில் டாஸ் வென்ற ராஜஸ்தான், பந்துவீச்சை தேர்வு செய்தது.