பள்ளிக் கல்வி மாணவர் சேர்க்கையில் வீழ்ச்சி: மத்திய அரசு மழுப்புவதாக விழுப்புரம் எம்.பி. கருத்து

பள்ளிக்கல்வித் துறை மாணவர் சேர்க்கையில் ஏற்படும் வீழ்ச்சிக்கும் தேசிய கல்விக் கொள்கை அமலாக்கத்துக்கும் ஏதேனும் தொடர்பு உள்ளதா என்ற தனது கேள்விக்கு மத்திய கல்வித் துறை இணை அமைச்சர் ஜெயந்த் சௌத்ரி மழுப்பலாக பதிலளித்துள்ளதாக விழுப்புரம் தொகுதி உறுப்பினர் துரை.ரவிக்குமார் தெரிவித்தார்.

- நமது சிறப்பு நிருபர்

நமது சிறப்பு நிருபர் புது தில்லி, மார்ச் 10:

2018-2022 மற்றும் 2023-24 கல்வியாண்டுகளில் அரசு மற்றும் தனியார் பள்ளிகளில் சேரும் மாணவர்களின் எண்ணிக்கையில் சுமார் 1.55 கோடி குறைந்துள்ளதை சரி செய்ய அரசு எடுத்த நடவடிக்கை, பிகார், உத்தர பிரதேசம் மற்றும் மகாராஷ்டிரத்தில் மாணவர் சேர்க்கை குறைவதைத் தடுக்க அரசு எடுத்து வரும் நடவடிக்கைகள், சேர்க்கையை அதிகரிக்க அரசு வழங்கும் உதவிகள், சமூக-பொருளாதார காரணி, இடம் பெயர்வு மற்றும் பள்ளி உள்கட்டமைப்பு போன்ற மூல காரணங்களைக் கண்டறிந்து சரி செய்ய அரசு எடுத்த முயற்சிகள், தேசிய கல்விக் கொள்கையை செயல்படுத்துவதற்கும் பள்ளி மாணவர் சேர்க்கை குறைவதற்கும் இடையே ஏதேனும் தொடர்புள்ளதா போன்ற கேள்விகளை மக்களவை உறுப்பினர் துரை.ரவிக்குமார் எழுப்பியிருந்தார்.