உலகின் உற்பத்தி மையமாக உருவெடுக்கும் இந்தியா!

'உலகின் உற்பத்தி மையமாக இந்தியா உருவெடுத்து வருகிறது' என்று பிரதமர் நரேந்திர மோடி பெருமிதத்துடன் குறிப்பிட்டார்.

- 

புது தில்லி, மார்ச் 1:

உள்நாட்டில் பொருள்கள் உற்பத்தியை ஊக்குவிக்கும் நோக்கில் தாம் முன்னெடுத்த 'உள்ளூர் பொருள்களுக்கு ஆதரவு', 'உலகுக்கான உள்ளூர் பொருள்கள்' ஆகிய பிரசாரங்கள் நல்ல பலனளித்து வருகின்றன; இன்று உலகெங்கிலும் இந்திய பொருள்களின் இருப்பை காண முடிகிறது என்று அவர் தெரிவித்தார்.

தில்லி பாரத மண்டபத்தில் தனியார் ஊடக நிறுவனம் சார்பில் சனிக்கிழமை நடைபெற்ற கருத்தரங்கில் பிரதமர் மோடி பங்கேற்றுப் பேசியதாவது:

தற்போதைய 21-ஆம் நூற்றாண்டில் ஒட்டுமொத்த உலகும் இந்தியாவை உற்று நோக்குகிறது. இந்தியாவில் ஒவ்வொரு நாளும் சாதனைகளும் புதுமைகளும் நிகழ்த்தப்படுகின்றன. கடந்த ஆண்டில் உலகின் மிகப் பெரிய தேர்தலை இந்தியா நடத்தியது.