முதல்வரின் தாயுமானவர் திட்டம் தொடக்கம்: அமைச்சர்கள் பங்கேற்பு

காஞ்சிபுரம், திருவள்ளூர், செங்கல்பட்டு மாவட்டங்களில் முதல்வரின் தாயுமானவர் திட்டம் தொடங்கப்பட்டுள்ளது.

- 

காஞ்சிபுரம்/ஆவடி, ஆக.12:

காஞ்சிபுரம் மாவட்டம், தாமல் கிராமத்தில் முதியோர், மாற்றுத்திறனாளிகளுக்கு இல்லங்களுக்குச் சென்று ரேஷன் பொருள்களை வழங்கி கைத்தறி அமைச்சர் ஆர். காந்தி திட்டத்தைத் தொடங்கி வைத்தார்.

பின்னர் அமைச்சர் காந்தி கூறியது:

காஞ்சிபுரம் மாவட்டத்தில் 601 நியாயவிலைக் கடைகளைச் சேர்ந்த 70 வயதுக்கு மேற்பட்ட மூத்த குடிமக்கள் மற்றும் மாற்றுத்திறனாளிகளையுடைய 20331 குடும்ப அட்டைதாரர்கள் பயன் பெறுவார்கள்.

இதன் மூலம் 26,316 பயனாளிகளுக்கு அவர்களது இல்லங்களிலேயே குடிமைப்பொருள் விநியோகம் செய்ய வழிவகை செய்யப்பட்டிருக்கிறது.

மாதம் தோறும் 2-ஆவது சனி மற்றும் ஞாயிற்றுக்கிழமைகளில் திட்டம் செயல்படுத்தப்படும்.