முதல்வரின் விரிவான காப்பீட்டுத் திட்டத்தில் 81 லட்சம் பேர் பயன்

தமிழகத்தில் முதல்வரின் விரிவான காப்பீட்டுத் திட்டத்தில் 81,33,806 பேர் பயன்டைந்துள்ளனர் உள்பட மக்கள் நல்வாழ்வுத் துறையில் செயல்படுத்தப்பட்ட திட்டங்கள், பயனடைந்தோர் குறித்த பட்டியலை தமிழக அரசு வெளியிட்டுள்ளது.

- 

சென்னை, ஜூன் 15:

இது குறித்து தமிழக அரசு வெளியிட்ட செய்திக் குறிப்பு: சென்னை கொளத்தூரில், பெரியார் நகரில் முக்கிய மருத்துவ பிரிவுகளுடன் 6 தளங்களில் 560 படுக்கைகளுடன் உருவாக்கப்பட்ட அரசு பெரியார் மருத்துவமனையை கடந்த பிப்.27-ஆம் தேதி முதல்வர் மு.க.ஸ்டாலின் வைத்தார்.

கலைஞர் நூற்றாண்டு உயர் சிறப்பு மருத்துவமனை ரூ.240 கோடியில் அதி நவீன வசதிகளுடன் கூடிய 1,000 படுக்கைகள், 15 அறுவை சிகிச்சை அரங்குகளுடன் கட்டப்பட்டது. இந்த மருத்துவமனை கடந்த 2023 ஜூன் 15-இல் முதல்வரால் திறந்து வைக்கப்பட்டது.

இதில் இதுவரை 6,23,765 புறநோயாளிகள், 2,14,591 உள்நோயாளிகள் பயனடைந்துள்ளனர்.

சென்னை ஓமந்தூரார் அரசு பன்னோக்கு உயர்சிறப்பு மருத்துவமனையில் ரூ.34.6 கோடியில் 2022 மார்ச் 15-இல் ரோபோடிக் அறுவை சிகிச்சை தொடங்கப்பட்டு, சிறுநீரகவியல், புற்றுநோய் அறுவை சிகிச்சை, நாளமில்லா சுரப்பி அறுவை சிகிச்சை, இருதயம் மற்றும் நெஞ்சக அறுவை சிகிச்சை, குடல் அறுவை சிகிச்சைகள் மேற்கொள்ளப்பட்டு, 336 நோயாளிகள் பயனடைந்துள்ளனர்.

7.5 % இட ஒதுக்கீட்டில்... அனைத்து மருத்துவக் கல்லூரி மருத்துவமனைகளிலும் உள்நோயாளிகளாக அனுமதிக்கப்பட்ட 1,29,87,553 பேருக்கு புற்றுநோய் பரிசோதனை செய்யப்பட்டு 5,29,545 நோயாளிகளுக்கு நோய் கண்டறியப்பட்டு உரிய சிகிச்சைகள் மேற்கொள்ளப்பட்டன.