லைபிரிய சரக்குக் கப்பலின் நெகிழிக் கழிவுகளை அப்புறப்படுத்த தன்னார்வலர்கள்

கேரள கடலோரத்தில் கடந்த வாரம் விபத்துக்குள்ளாகி கவிழ்ந்த சரக்குக் கப்பலின் நெகிழி (பிளாஸ்டிக்) கழிவுகள் கரை ஒதுங்கினால் அவற்றை அப்புறப்படுத்தி, தூய்மைப்படுத்த மாநிலம் முழுவதும் தன்னார்வலர்கள் ஈடுபடுத்தப்பட்டனர்.

- 

திருவனந்தபுரம், மே 28:

கேரளத்தின் கொச்சி துறைமுகத்தில் நிறுத்தப்பட்டிருந்த லைபீரிய நாட்டு சரக்குக் கப்பல், விழிஞ்ஞம் துறைமுகம் நோக்கிச் சென்ற நிலையில், கொச்சியிலிருந்து தென்மேற்கே 38 கடல் மைல் (சுமார் 70 கி.மீ.) தொலைவில் கடந்த சனிக்கிழமை கவிழ்ந்து விபத்துக்குள்ளானது.

கப்பலில் 13 ஆபத்தான சரக்குகளைக் கொண்ட 640 சரக்குப் பெட்டகங்கள் இருந்தன. இதில் கால்சியம் கார்பைடு கொண்ட 12 சரக்குப் பெட்டகங்களும் அடங்கும். மேலும், கப்பலில் 84.44 மெட்ரிக் டன் டீசல், 367.1 மெட்ரிக் டன் எரிபொருள் எண்ணெய் இருந்துள்ளது.

கப்பல் விபத்துக்குள்ளானதில் சில பெட்டகங்கள் கடலில் விழுந்தன. நடுக்கடலில் பல கி.மீ. சுற்றளவுக்கு எண்ணெய்க் கசிவு ஏற்பட்டது. இதைத் தொடர்ந்து, மாநிலம் தழுவிய எச்சரிக்கை விடுக்கப்பட்டது.