மாணவர்களுக்கு உளவியல் ஆலோசனை வழங்க ஏற்பாடு

பிளஸ் 2 பொதுத் தேர்வு முடிவுகள் வியாழக்கிழமை (மே 8) வெளியாகவுள்ள நிலையில், மாணவர்களுக்கு உளவியல் தாக்கம் ஏற்படாமல் தடுக்க அவர்களுக்கு மன நல ஆலோசனைகள் வழங்குவதற்கான அனைத்து ஏற்பாடுகளையும் மேற்கொண்டுள்ளதாக தேசிய நலவாழ்வுக் குழும இயக்குநர் டாக்டர் அருண் தம்புராஜ் தெரிவித்தார்.

- 

சென்னை, மே 6:

இது தொடர்பாக அவர் மேலும் கூறியதாவது: சென்னை தேனாம்பேட்டையில் உள்ள டிஎம்எஸ் வளாகத்தில் 104 மருத்துவ உதவி தகவல் மையம் மற்றும் 14416 நட்புடன் உங்களோடு மனநல சேவை மையம் ஆகியவை 24 மணி நேரமும் செயல்பட்டு வருகின்றன. 104 மருத்துவ உதவி தகவல் மையம் மூலமாக பொது மக்களுக்கு உடல் நலம் குறித்த அறிவுரைகள், மருத்துவ, மன நல ஆலோசனைகள் வழங்கப்பட்டு வருகின்றன.