திருவள்ளூர் புத்தகத் திருவிழா நிறைவு: வைரமுத்து பங்கேற்பு

திருவள்ளூர் மாவட்ட அளவிலான 4-ஆவது புத்தகத் திருவிழா நிறைவு நாளான திங்கள்கிழமை இரவு சிந்தனை அரங்கத்தில் புத்தகத்தின் திறவுகோல் புத்தகம் என்ற தலைப்பில் கவிஞர் வைரமுத்து பங்கேற்று கருத்துரை வழங்கிய நிகழ்வில் பார்வையாளர்கள் மற்றும் புத்தக ஆர்வலர்கள் திரளாக பங்கேற்றனர்.

- 

திருவள்ளூர், மார்ச் 18:

திருவள்ளூர் மாவட்ட நிர்வாகம் மற்றும் பொதுநூலகத்துறை இணைந்து நடத்திய 4-ஆவது புத்தகக் கண்காட்சி சி.வி.என்.சாலையில் கடந்த 7-ஆம் தேதி தொடங்கி, தொடர்ந்து 17-ஆம் தேதி வரையில் நடைபெற்றது.

இவ்விழாவையொட்டி 115 அரங்குகளில் ஆயிரம் தலைப்புகளில் ஒரு லட்சத்துக்கும் மேற்பட்ட புத்தகங்கள் இடம் பெற்றிருந்தது. இதை பொதுமக்கள் மற்றும் புத்தக ஆர்வலர்கள் ஆகியோர் குடும்பங்களுடன் வந்து ஆர்வத்துடன் புத்தகங்களை வாங்கிச் சென்றனர்.