குற்றவியல் வழக்கில் தண்டனை பெற்ற அரசியல்வாதிகள்: தகுதிநீக்க விவரங்களை சமர்ப்பிக்க உச்சநீதிமன்றம் உத்தரவு

குற்றவியல் வழக்குகளில் தண்டனை பெற்ற அரசியல்வாதிகள் தேர்தலில் போட்டியிடுவதற்கான தகுதிநீக்க காலத்தை நீக்கியது அல்லது குறைத்தது குறித்த தகவல்களை இரு வாரங்களில் சமர்ப்பிக்குமாறு இந்திய தேர்தல் ஆணையத்துக்கு உச்சநீதிமன்றம் செவ்வாய்க்கிழமை உத்தரவிட்டது.

- 

புது தில்லி, மார்ச் 4:

மக்கள் பிரதிநிதித்துவ சட்டம், 1951, பிரிவு 11-இன் கீழ் குற்றவியல் வழக்குகளில் தண்டனை பெற்ற பிறகு அரசியல்வாதிகள் தேர்தலில் போட்டியிடுவதற்கு விதிக்கப்பட்ட தடையை நீக்கவோ அல்லது அவர்கள் தகுதிநீக்க காலத்தை குறைக்கவோ இந்திய தேர்தல் ஆணையத்துக்கு அதிகாரம் வழங்கப்பட்டுள்ளது.

அரசியல்வாதிகள் தண்டனை பெற்ற குற்ற வழக்குகள் மற்றும் அவர்கள் பெற்ற தண்டனையைப் பொறுத்து தகுதிநீக்கம் செய்யப்படும் காலம் வேறுபடும்.