பிகார் காங்கிரஸ் தலைமையகத்தைச் சூறையாடிய பாஜக தொண்டர்கள்

ராகுல் காந்தியின் வாக்குரிமைப் பயணத்தில் பிரதமர் நரேந்திர மோடி குறித்து அவதூறான கருத்துகள் தெரிவிக்கப்பட்டதற்கு எதிர்ப்பு தெரிவித்து, பிகார் மாநில காங்கிரஸ் தலைமையகத்தை பாஜக தொண்டர்கள் வெள்ளிக்கிழமை சூறையாடினர்.

- 

பாட்னா, ஆக. 29:

பிகாரில் தேர்தல் ஆணையம் மேற்கொண்டு வரும் வாக்காளர் பட்டியல் தீவிர திருத்த நடவடிக்கையைக் கண்டித்து அந்த மாநிலம் முழுவதும் வாக்குரிமை பயணத்தை காங்கிரஸ் கட்சி நடத்தி வருகிறது. தர்பங்கா நகரில் இருதினங்களுக்கு முன்பு அதில் பங்கேற்ற ஒருவர் மைக்கில் பிரதமர் மோடியைப் பற்றி அவதூறான கருத்துகளைத் தெரிவித்ததாக கூறப்படுகிறது. இது தொடர்பான புகாரை அடுத்து அந்த நபரை காவல் துறையினர் கைது செய்துள்ளனர்.

காங்கிரஸ் நிகழ்வில் பிரதமரைப் பற்றி அவதூறு பரப்பப்பட்டதைக் கண்டித்து பாட்னாவில் உள்ள காங்கிரஸ் கட்சியின் தலைமையகத்தை நோக்கி பாஜக தொண்டர்கள் வெள்ளிக்கிழமை பேரணியாகச் சென்றனர். அவர்கள் அங்கிருந்த காங்கிரஸ் தொண்டர்களுடன் மோதலில் ஈடுபட்டதுடன் தலைமை அலுவலகத்தையும் சூறையாடினர்.