கிராமங்களிலும் உயர் மருத்துவ சேவைகள்

நகர்ப்புறங்களில் வசதியானவர்களுக்கு கிடைக்கும் மருத்துவ சேவைகள் கிராமங்களில் உள்ள ஏழைகளுக்கும் கிடைக்க வேண்டும் என்பதே தமிழக அரசின் குறிக்கோள் என்று முதல்வர் மு.க.ஸ்டாலின் தெரிவித்தார்.

- 

சென்னை, ஆக. 2:

உயர் மருத்துவப் பரிசோதனைகளை அனைத்துத் தரப்பு மக்களுக்கும் வழங்குவதற்கான ‘நலம் காக்கும் ஸ்டாலின்’ திட்டத்தை சென்னை செயின்ட் பீட்ஸ் ஆங்கிலோ இந்தியன் பள்ளியில் முதல்வர் சனிக்கிழமை தொடங்கி வைத்தார்.

முகாமில் உள்ள மருத்துவ வசதிகளையும், பயனாளிகளுக்கு மேற்கொள்ளப்படும் மருத்துவப் பரிசோதனைகளையும் பார்வையிட்ட அவர், மக்களிடம் கலந்துரையாடினார்.

அதன் பின்னர், பயனாளிகளுக்கு முதல்வரின் விரிவான மருத்துவக் காப்பீட்டுத்திட்ட அட்டைகள், செவித்திறன் கருவிகள், மாற்றுத்திறனாளி அடையாள அட்டைகளை வழங்கினார்.

நிகழ்ச்சியில் முதல்வர் மு.க.ஸ்டாலின் பேசியதாவது: மருத்துவமனையில் இருந்து சிகிச்சை பெற்று திரும்பிய பிறகு தலைமைச் செயலகத்துக்கு வெளியே நான் பங்கேற்கும் முதல் நிகழ்ச்சி இது. மக்களுடைய நலன்தான் என்னுடைய நலன்.