காங்கிரஸ் வழங்கும் இலவச ‘நாப்கின்’ பாக்கெட்டில் ராகுல் படம்

பிகாரில் சர்ச்சை

- 

பாட்னா, ஜூலை 4: பிகாரில் 5 லட்சம் பெண்களுக்கு காங்கிரஸ் சார்பில் இலவச நாப்கின் வழங்கப்படும் என அறிவிக்கப்பட்ட நிலையில், நாப்கின் பாக்கெட்டில் மக்களவை எதிர்க்கட்சித் தலைவர் ராகுல் காந்தி படம் இடம் பெற்றுள்ளது சர்ச்சையை ஏற்படுத்தியது.

காங்கிரஸின் இந்தச் செயலுக்கு பிகாரில் ஆளும் பாஜக கூட்டணி கடும் கண்டனம் தெரிவித்தது.

பிகாரில் இந்த ஆண்டு இறுதியில் சட்டப் பேரவைத் தேர்தல் நடைபெறவுள்ளது. அனைத்துக் கட்சிகளும் ஏற்கெனவே தேர்தலுக்கான பிரசார உத்திகளை வகுத்து தீவிரமாக செயல்பட்டு வருகின்றன.