திருச்சியில் பேரரசர் பெரும்பிடுகு முத்தரையர் சிலைக்கு தமிழக அரசு, அரசியல் கட்சிகள் சார்பில் மரியாதை

பேரரசர் பெரும்பிடுகு முத்தரையர் 1350-ஆவது சதயவிழாவையொட்டி திருச்சியில் உள்ள அவரது சிலைக்கு வெள்ளிக்கிழமை தமிழக அரசு சார்பிலும், பல்வேறு அரசியல் கட்சிகள் சார்பிலும் மாலை அணிவித்து மரியாதை செலுத்தப்பட்டது.

- 

திருச்சி, மே 23:

திருச்சி ஒத்தக்கடை பகுதியில் உள்ள அவரது உருவச் சிலைக்கு வெள்ளிக்கிழமை தமிழக அரசு சார்பில் துணை முதல்வர் உதயநிதி ஸ்டாலின் மாலை அணிவித்து மரியாதை செலுத்தினார்.

முன்னதாக காலை நடைபெற்ற நிகழ்ச்சியில், நகராட்சி நிர்வாகத்துறை அமைச்சர் கே.என்.நேரு, சுற்றுச்சூழல் துறை அமைச்சர் வீ.மெய்யநாதன், பள்ளிக் கல்வித்துறை அமைச்சர் அன்பில் மகேஸ் பொய்யாமொழி ஆகியோர் மாலை அணிவித்து மரியாதை செலுத்தினர்.