தென்காசி ஸ்ரீகாசிவிஸ்வநாதர் கோயில் குடமுழுக்கு

தென்காசி அருள்தரும் உலகம்மன் உடனுறை ஸ்ரீகாசி விஸ்வநாத சுவாமி கோயிலில் குடமுழுக்கு விழா 19 ஆண்டுகளுக்குப் பின் திங்கள்கிழமை (ஏப்.7) நடைபெற்றது. இதில், ஆயிரக்கணக்கான பக்தர்கள் கலந்துகொண்டு தரிசனம் செய்தனர்.

- 

தென்காசி, ஏப். 7: தென்காசி அருள்தரும் உலகம்மன் உடனுறை ஸ்ரீகாசி விஸ்வநாத சுவாமி கோயிலில் குடமுழுக்கு விழா 19 ஆண்டுகளுக்குப் பின் திங்கள்கிழமை (ஏப்.7) நடைபெற்றது. இதில், ஆயிரக்கணக்கான பக்தர்கள் கலந்துகொண்டு தரிசனம் செய்தனர்.

இக்கோயிலில், குடமுழுக்கு விழாவை முன்னிட்டு, கடந்த 3ஆம் தேதி அதிகாலை 5 மணி அளவில் அம்மன் சந்நிதி மண்டபத்தில் மகா கணபதி ஹோமம், நவக்கிரக ஹோமம், மகாலட்சுமி ஹோமம் நடைபெற்றது. சிவாச்சாரியர்கள் வேத மந்திரங்கள் முழங்க சைவ சமய ஆதீனங்கள் கலந்துகொண்டு தொடங்கி வைத்தனர்.