பவானி அருகே ரவுடி படுகொலை: குற்றவாளிகளை சுட்டுப்பிடித்த போலீஸார்

பவானி அருகே சேலம் - கோவை தேசிய நெடுஞ்சாலையில் பட்டப்பகலில் ரவுடி படுகொலை செய்யப்பட்ட சம்பவத்தில் குற்றவாளிகளை போலீஸார் சுட்டுப் பிடித்தனர்.

- 

பவானி, மார்ச் 19:

சேலம் மாவட்டம், கிச்சிபாளையம் எஸ்எம்சி காலனியைச் சேர்ந்தவர் சாணக்யா (எ) ஜான் (30). இவரின் மனைவி சரண்யா (28). இவர்களுக்கு ஒரு மகன், ஒரு மகள் உள்ளனர்.

ரவுடியான ஜான் மீது சேலம் மாவட்டத்தில் பல்வேறு காவல் நிலையங்களில் கொலை, கொலை முயற்சி உள்பட பல்வேறு வழக்குகள் உள்ளன.

தற்போது திருப்பூர், எஸ். பெரியபாளையத்தில் வசித்து வந்த இவர், வழக்கு தொடர்பாக சேலம் அன்னதானப்பட்டி காவல் நிலையத்தில் கையொப்பமிட சென்றுவிட்டு காரில் திருப்பூருக்கு திரும்பிச் சென்று கொண்டிருந்தார். காரை இவரின் மனைவி சரண்யா (28) ஓட்டிச் சென்றார்.

சேலம் - கோவை தேசிய நெடுஞ்சாலையில் ஈரோடு மாவட்டம், சித்தோட்டை அடுத்த நசியனூர் முள்ளம்பட்டி அருகே சென்றபோது, இவர்களைப் பின்தொடர்ந்து வந்த மற்றொரு கார், இவர்கள் கார் மீது மோதியது.

இதையடுத்து, காரை ஓரமாக நிறுத்திவிட்டு சரண்யா இறங்கிப் பார்த்துள்ளார். அப்போது, மற்றொரு காரிலிருந்து இறங்கிய நான்கு பேர் கும்பல், காருக்குள் அமர்ந்திருந்த ஜானை அரிவாள் உள்ளிட்ட ஆயுதங்களால் சரமாரியாக வெட்டியது.

இதனால், அதிர்ச்சியடைந்த சரண்யா கூச்சலிட்டபடி தடுக்க முயன்றபோது, அவருக்கும் கையில் வெட்டுப்பட்டது.