அமெரிக்கா மீதான விமர்சனத்தை மட்டுப்படுத்துங்கள்

தங்கள் நாட்டின் மீது முன்வைக்கும் விமர்சனங்களை உக்ரைன் அதிபர் வொலோதிமீர் ஸெலென்ஸ்கி மட்டுப்படுத்த வேண்டும் என்று அமெரிக்க அதிபர் டொனால்ட் டிரம்ப்புக்கான தேசிய பாதுகாப்பு ஆலோசகர் மைக்கேல் வால்ட்ஸ் எச்சரித்துள்ளார்.

- 

வாஷிங்டன், பிப். 20:

இது குறித்து அவர் கூறியதாவது: அமெரிக்காவை உக்ரைன் அதிபர் ஸெலென்ஸ்கி விமர்சிப்பதை ஒருபோதும் ஏற்கமுடியாது. அத்தகைய விமர்சனங்களை அவர் மட்டுப்படுத்தவேண்டும்.

மேலும், உக்ரைனுக்கு அமெரிக்கா அளிக்கும் உதவிகளுக்குப் பதிலாக அந்த நாட்டின் அரிய வகைக் கனிமங்களைத் தோண்டியெடுப்பதற்கான உரிமையை அமெரிக்காவுக்கு வழங்குவதற்கான ஒப்பந்தத்தில் ஸெலென்ஸ்கி கையொப்பமிட வேண்டும்.

உக்ரைனின் பாதுகாப்பை உறுதி செய்வதற்கான மிகச் சிறந்த வாய்ப்பு அந்த ஒப்பந்தம் ஆகும். அதைவிட உக்ரைனுக்கு சிறந்த பாதுகாப்பு உத்தரவாதம் இருக்க முடியாது என்றார் அவர்.