எந்த வழியிலும் டான்பாஸை கைப்பற்றியே தீருவோம்

உக்ரைனின் கிழக்கில் உள்ள டொனட்ஸ்க், லுஹான்ஸ்க் ஆகிய பிராந்தியங்களை உள்ளடக்கிய டான்பாஸ் பகுதியை எந்த வழியிலும் முழுமையாகக் கைப்பற்றியே தீருவோம் என்று ரஷிய அதிபர் விளாதிமீர் புதின் வியாழக்கிழமை உறுதிபடத் தெரிவித்தார்.

- 

இந்தியா வருவதற்கு முன்னர் இந்தியா டுடே இதழுக்கு வியாழக்கிழமை அளித்த பேட்டியில் இது குறித்து அவர் கூறியதாவது:

டான்பாஸ் மற்றும் நோவோரோசியா பகுதிகளை உக்ரைன் கட்டுப்பாட்டில் இருந்து ரஷியா நிச்சயம் 'மீட்கும்'. அது ராணுவ ரீதியிலான வழியிலும் இருக்கலாம் அல்லது வேறு வழிகளிலும் இருக்கலாம்.

அதாவது, எங்கள் ராணுவ வலிமையைப் பயன்படுத்தி அந்தப் பகுதிகளில் இருந்து உக்ரைன் படையினரை வெளியேற்றுவது மூலமாகவும் இது நடக்கலாம்; உக்ரைன் படையினர் தாங்களாகவே அந்தப் பகுதிகளை விட்டு வெளியேறுவதன் மூலமாகவும் நடக்கலாம் என்றார் புதின்.