பயிற்சியாளர் நெகிழ்ச்சி..

சாம்பியன் கோப்பை வென்ற உணர்ச்சிப் பெருக்கில் இருந்த இந்திய கேப்டன் ஹர்மன்பிரீத் கௌர், மரியாதை மற்றும் மகிழ்ச்சி நிமித்தமாக ஒருவரின் கால்களை பிடித்த தருணம் பெரிதும் கவனம் ஈர்த்தது. அவர் அமோல் மஜூம்தார். இந்திய மகளிர் அணியின் தலைமைப் பயிற்சியாளர்.

- 

உலகக் கோப்பை வென்ற இந்திய ஆடவர் அணியில் அங்கமாகியிருக்க வேண்டிய அமோல் மஜூம்தார், தற்போது மகளிர் அணியை உலகக் கோப்பை சாம்பியன் இடத்துக்கு வழிநடத்தியிருக்கிறார். 1990-களில் உள்நாட்டு போட்டிகளில் பிரபலமாக இருந்த மஜூம்தார், ராகுல் திராவிட், வி.வி.எஸ். லக்ஷ்மண், சௌரவ் கங்குலி போன்றோரின் பிரபலத்தால் தேசிய அணியில் இடம் பிடிக்கத் தடுமாறி, பின்னர் பாதை மாறி பயிற்சிப் பணிக்கு வந்தார்.