எல்லை தாண்டிய தீவிரவாதம் உள்ளிட்ட முக்கிய பிரச்னைகளுக்கு தீர்வு காண்பதில் இந்தியாவுக்கு பிரதான பங்கு

திரௌபதி முர்மு

- 

புது தில்லி, ஆக. 19: உலகின் முக்கிய பிரச்னைகளுக்குத் தீர்வு அளிப்பதில் இந்தியாவுக்கு பிரதான பங்கிருப்பதாக குடியரசுத் தலைவர் திரௌபதி முர்மு தெரிவித்தார்.

இந்திய அயலுறவு பணிச் சேவை (2024ஆம் ஆண்டு பிரிவு) பயற்சியை முடித்த அதிகாரிகள் திரௌபதி முர்முவை தில்லி குடியரசுத் தலைவர் மாளிகையில் செவ்வாய்க்கிழமை சந்தித்தனர். அவர்களிடையே குடியரசுத் தலைவர் பேசியதாவது:

நீங்கள் 'வசுதைவ குடும்பகம்' (உலகமே ஒரு குடும்பம்) என்ற உணர்வைத் தழுவி செயல்படுவதுடன் தேசத்துக்கே முன்னுரிமை என்ற கொள்கையைப் பின்பற்ற வேண்டும். உங்களைச் சுற்றியுள்ள உலகமானது புவி அரசியல், பருவநிலை மாற்றம் உள்ளிட்ட விவகாரங்களில் வேகமாக மாறிவருகிறது.