வழக்குகளில் மத்திய அரசின் வழக்குரைஞர்கள் முறையாக பதில் மனு தாக்கல் செய்ய அறிவுறுத்தல்

நீதிமன்றத்தில் நடைபெறும் வழக்குகளில் மத்திய அரசின் வழக்குரைஞர்கள் (சொலிசிட்டர் ஜெனரல்) முன்னிலையாகி உரியபதில் மனுவை தாக்கல் செய்ய சென்னை உயர்நீதிமன்ற மதுரை அமர்வு அறிவுறுத்தியது.

- 

மதுரை, ஆக. 5:

கன்னியாகுமரி மாவட்டம், குளச்சல் பகுதியைச் சேர்ந்த ராஜன் சென்னை உயர்நீதிமன்ற மதுரை அமர்வில் தாக்கல் செய்த பொதுநல மனு:

கடந்த ஜூலை 29-ஆம் தேதி 39.100 மெட்ரிக் டன் சல்பர் ரசாயனத்துடன் எம்.வி.நேவி எக்ஸ்என்ற சரக்கு கப்பல் தூத்துக்குடி வ.உ.சி. துறைமுகத்துக்கு வந்தது. துறைமுகத்துக்கு ஒரு நாட்டிக்கல் மைல் தொலைவுக்கு முன்பாகவே நிலை தடுமாறி, அங்கு இரண்டு நாள்களாக நிறுத்தப்பட்டிருந்தது. பின்னர், இழுவைக் கப்பல் மூலம் துறைமுகத்துக்கு கொண்டுவரப்பட்டது. சல்பர் சுற்றுச்சூழலுக்கு அச்சுறுத்தலை ஏற்படுத்தக்கூடிய ரசாயனப் பொருள் என வகைப்படுத்தப்பட்டிருக்கிறது.