பயங்கரவாத எதிர்ப்பு: நாடாளுமன்றக் குழுவின் ரஷிய பயணம் நிறைவு

ஆபரேஷன் சிந்து மற்றும் பயங்கரவாதத்துக்கு எதிரான நடவடிக்கைகள் குறித்து ரஷிய அதிகாரிகளுடன் விரிவான ஆலோசனையை மேற்கொண்டதையடுத்து, திமுக எம்.பி. கனிமொழி தலைமையிலான அனைத்து கட்சி உறுப்பினர்களைக் கொண்ட நாடாளுமன்றக் குழு ரஷிய பயணத்தை சனிக்கிழமை நிறைவு செய்தது.

- 

மாஸ்கோ, மே 24:

முன்னதாக, வெள்ளிக்கிழமை நடைபெற்ற ஆலோசனையின் போது இந்தியாவின் சமரசமற்ற நடவடிக்கைக்கு முழு ஆதரவு அளிப்பதாக ரஷியா உறுதி அளித்தது.

மேலும், இது தொடர்பாக ஐ.நா., பிரிக்ஸ் மற்றும் ஷாங்காய் ஒத்துழைப்பு அமைப்பு உள்ளிட்ட பிராந்திய மற்றும் சர்வதேச அமைப்புகளில் இந்தியாவுடன் இணைந்து செயல்படத் தயாராகவுள்ளதாகவும் ரஷியா தெரிவித்தது.