வாகன உற்பத்தித் துறையில் முதலிடத்தை அடைய இலக்கு

அடுத்த 5 ஆண்டுகளில் இந்தியா வாகன உற்பத்தித் துறையில் முதலிடத்தை அடைய இலக்கு நிர்ணயிக்கப்பட்டுள்ளதாக மத்திய சாலைப் போக்குவரத்து, நெடுஞ்சாலைத் துறை அமைச்சர் நிதின் கட்கரி தெரிவித்தார்.

- 

புது தில்லி, செப். 10:

தில்லியில் புதன்கிழமை நடைபெற்ற நிகழ்ச்சியில் பங்கேற்ற அவர் பேசியதாவது:

இந்தியாவில் வாகன உற்பத்தித் துறையின் எதிர்காலம் சிறப்பாக உள்ளது. நம்மிடம் இத்துறை சார்ந்த திறன்மிக்க பணியாளர்கள் அதிகம் உள்ளனர். உலகில் உள்ள முன்னணி வாகனத் தயாரிப்பு நிறுவனங்கள் அனைத்தும் இந்தியாவில் ஆலைகளை நிறுவியுள்ளன. அடுத்த 5 ஆண்டுகளில் இந்தியா வாகன உற்பத்தித் துறையில் முதலிடத்தை அடைய இலக்கு நிர்ணயிக்கப்பட்டுள்ளது. இது கடினமான இலக்கு தான். ஆனால் சாத்தியமற்றதல்ல.