அமலுக்கு வந்தது மாடுகள் இனப்பெருக்க சட்டம்

தமிழக அரசு கொண்டு வந்த மாடு இனப்பெருக்கச் சட்டம், நாட்டின மாடுகளை அழிவிலிருந்து பாதுகாக்கும் என்று அரசு எதிர்பார்க்கிறது.

- ஆ.செ.பகீரதன்

தமிழக அரசு கொண்டு வந்த மாடு இனப்பெருக்கச் சட்டம், நாட்டின மாடுகளை அழிவிலிருந்து பாதுகாக்கும் என்று அரசு எதிர்பார்க்கிறது. கடந்த 2019 ஆம் ஆண்டு ‘தமிழ்நாடு மாடு இனப்பெருக்கச் சட்டம்’ தமிழக சட்டப்பேரவையில் தாக்கல் செய்யப்பட்டது. ஆனால், இச்சட்டத்தால், நாட்டு இன மாடுகள் அழிவை நோக்கிச் செல்லும் எனக் கூறி நாட்டு இன மாடு ஆர்வலர்கள், மாடு வளர்ப்போர் எனப் பல்வேறு தரப்பினரும் கடும் எதிர்ப்பு தெரிவித்தனர். அதன் விளைவாக இச்சட்டம் நிறைவேற்றப்படாமல் கிடப்பில் போடப்பட்டது.

அதன் பிறகு இச்சட்டமானது மறுபரிசீலனைக்கு உள்படுத்தப்பட்டது. அதன் முடிவில் காளைகளைப் பதிவு செய்யாதவர்களுக்கு ரூ.50,000 அபராதம் விதிப்பது உள்ளிட்ட சில விதிகள் ரத்து செய்யப்பட்டு அண்மையில் சட்டம் அமல்படுத்தப்பட்டுள்ளது.