ஜூலை 30-இல் அடுத்த நாடாளுமன்ற கூட்டுக்குழு கூட்டம்

'ஒரே நாடு ஒரே தேர்தல்' மசோதாக்களைப் பரிசீலிக்க அமைக்கப்பட்ட நாடாளுமன்ற கூட்டுக்குழுவின் அடுத்த ஆலோசனைக் கூட்டம் ஜூலை 30-ஆம் தேதி நடைபெறவுள்ளதாக அந்தக் குழுவின் தலைவரும் பாஜக எம்.பி.யுமான பி.பி. சௌதரி தெரிவித்தார்.

- 

புது தில்லி, ஜூலை 12:

மேலும், அடுத்த ஆலோசனைக் கூட்டத்தின்போது ஒரே நாடு ஒரே தேர்தல் குறித்து முன்னாள் உச்ச நீதிமன்ற நீதிபதிகள் ஆர். எம்.லோதா மற்றும் எஸ்.ஏ.போப்டே ஆகியோரிடம் கருத்து கேட்கவுள்ளதாகவும் அவர் தெரிவித்தார்.

முன்னதாக, கடந்த வெள்ளிக்கிழமை நடைபெற்ற கூட்டத்தின்போது உச்ச நீதிமன்ற முன்னாள் தலைமை நீதிபதிகள் ஜே. எஸ்.கேஹர், டி.ஒய்.சந்திரசூட் ஆகியோர் தங்களின் கருத்துகளைத் தெரிவித்தனர்.