முதலீட்டாளர்களை ஈர்க்கும் மெகா உணவுப் பூங்கா!

திருநெல்வேலி மாவட்டம், கங்கைகொண்டான் சிப்காட்டில் அமைக்கப்பட்டுள்ள மெகா உணவுப் பூங்கா முதலீட்டாளர்களை எதிர்நோக்கியுள்ளது.

- ஏ.வி.பெருமாள்

- ஏ.வி.பெருமாள் -

திருநெல்வேலி, ஜூலை 9: திருநெல்வேலி மாவட்டம், கங்கைகொண்டான் சிப்காட்டில் அமைக்கப்பட்டுள்ள மெகா உணவுப் பூங்கா முதலீட்டாளர்களை எதிர்நோக்கியுள்ளது.

மத்திய உணவு பதப்படுத்தும் தொழில்கள் அமைச்சகத்தின் கீழ் செயல்படும் பிரதமரின் நவீன வேளாண் கட்டமைப்புத்திட்டத்தின் (கிசான் சம்படா யோஜனா) 2021-22 நிதி, நபார்டு வங்கி நிதி உதவியுடன் கங்கைகொண்டான் சிப்காட்டில் ரூ.77.02 கோடியில் 50 ஏக்கர் பரப்பளவில் மெகா உணவுப் பூங்கா அமைக்கப்பட்டுள்ளது. தமிழகத்தில் உள்ள ஒரே மெகா உணவுப் பூங்காவான இது 22 ஏக்கர் பரப்பளவில் பல்வேறு உள்கட்டமைப்பு வசதிகளைக் கொண்டது.

விவசாயிகள் சேவை மைய வளாகத்தில் நிர்வாக அலுவலக கட்டடம் உள்ளது. அதில், வங்கி, ஏடிஎம், உணவகம், கருத்தரங்கு கூடம், விவசாயிகள் ஓய்வறை, விருந்தினர் ஓய்வறை போன்ற பல்வேறு வசதிகள் உள்ளன.