மதுரை மாநகராட்சி திமுக மண்டலத் தலைவர்கள் ராஜிநாமா செய்ய ஸ்டாலின் உத்தரவு

மதுரை மாநகராட்சியின் திமுக மண்டலத் தலைவர்கள் அனைவரையும் ராஜிநாமா செய்யுமாறு முதல்வரும், அக்கட்சியின் தலைவருமான மு.க.ஸ்டாலின் உத்தரவிட்டார்.

- 

சென்னை/ மதுரை, ஜூலை 7:

மதுரை மாநகராட்சி மேயரின் கணவர் பொன் வசந்த் திமுகவிலிருந்து அண்மையில் நீக்கப்பட்டதைத் தொடர்ந்து, முதல்வர் இந்த நடவடிக்கையை மேற்கொண்டுள்ளார்.

சட்டப் பேரவை தொகுதி வாரியாக திமுக நிர்வாகிகளைச் சந்தித்துப் பேசும் 'உடன்பிறப்பே வா' எனும் நிகழ்வை அக்கட்சியின் தலைவர் மு.க.ஸ்டாலின் நடத்தி வருகிறார். அப்போது, தேவையான இடங்களில் பாரபட்சம் பார்க்காமல் பதவியைப் பறித்து நடவடிக்கைகள் எடுக்கப்படும் என மு.க.ஸ்டாலின் ஏற்கெனவே எச்சரித்திருந்தார். அதன்படி, மதுரை மாநகராட்சியில் மண்டலத் தலைவர்களை ராஜிநாமா செய்யச் சொல்லி தற்போது அதிரடி காட்டியுள்ளார்.