வன உரிமைச் சட்டம் குறித்த திறன் மேம்பாட்டு பயிற்சி முகாம்

கன்னியாகுமரி மாவட்ட ஆதிதிராவிடர் மற்றும் பழங்குடியினர் நலத்துறையின் சார்பில், வன உரிமைச் சட்டம் 2006 குறித்த மாவட்ட அளவிலான திறன் மேம்பாட்டு பயிற்சி முகாம் செவ்வாய்க்கிழமை நடைபெற்றது.

- 

குலசேகரம், மே 13:

கடையால் பேரூராட்சிக்குள்பட்ட தனியார் அரங்கில் நடைபெற்ற முகாமில் மாவட்ட ஆட்சியர் ரா. அழகுமீனா பங்கேற்று பேசியதாவது:

பழங்குடி மக்கள் வாழும் இடங்களை, பயன்படுத்தும் இடங்களை அவர்களுக்கே உரிமை அளிக்கும் வகையில், 2006 வன உரிமைச் சட்டம் கொண்டு வரப்பட்டது. தமிழ்நாட்டைப் பொருத்தவரை இச்சட்டம் குறித்து வருவாய்துறை, ஆதிதிராவிடர் மற்றும் பழங்குடியினர் நலத்துறை, வனத்துறை, மலைவாழ் மக்களின் பிரதிநிதிகள், சமூக ஆர்வலர்கள் இணைந்து பல்வேறு நடவடிக்கைகளை மேற்கொண்டு வருகின்றனர்.