கிராமங்கள் வளர்ந்தால்தான் நாடு வளரும்

பிரதமர் மோடி

- 

மதுபனி/மும்பை, ஏப். 24: 'கிராமங்கள் வளர்ந்தால்தான் நாடு வளரும்' என்று பிரதமர் நரேந்திர மோடி தெரிவித்தார்.

தேசிய பஞ்சாயத்து ராஜ் தினத்தையொட்டி, பிகார் மாநிலம், மதுபனியில் வியாழக்கிழமை நடைபெற்ற நிகழ்ச்சியில் அவர் பங்கேற்றுப் பேசியதாவது:

'சத்தியாகிரகம்' எனும் தாரக மந்திரத்தை மகாத்மா காந்தி விரிவுபடுத்திய பூமி பிகார். கிராமங்களுக்கு அதிகாரமளிக்காமல், நாட்டின் வளர்ச்சி சாத்தியமில்லை என்பதே மகாத்மா காந்தியின் உறுதியான நம்பிக்கையாகும். இதுவே, நமது பஞ்சாயத்து ராஜ் அமைப்பின் கருத்தாக்கமாகும்.

கிராமப் பொருளாதாரத்தின் முதுகெலும்பாக விவசாயிகள் விளங்குகின்றனர். விவசாயிகளும், கிராமங்களும் வலுப்பெறும் போது, தேசமும் வலுவடையும்.