திமுகவை வீழ்த்த தவெகவால்தான் முடியும்: விஜய்

திமுகவை வீழ்த்த தவெகவால்தான் முடியும் என்று தவெக தலைவர் விஜய் பேசினார்.

- 

தவெக மக்கள் சந்திப்பு பிரசாரக் கூட்டம் ஈரோடு மாவட்டம் விஜயமங்கலம் சுங்கச்சாவடி அருகில் வியாழக்கிழமை நடைபெற்றது. இதில் விஜய் பேசியதாவது:

பெரியார் ஈ.வெ.ரா-விடமிருந்து தேவையான கொள்கைகளை எடுத்துக்கொண்டோம். அவரைப் பின்பற்றிய அண்ணா, எம்ஜிஆர் ஆகியோரிடம் தேர்தல் அணுகுமுறையை எடுத்துக்கொண்டோம். அண்ணாவும் எம்ஜிஆரும் தமிழ்நாட்டின் சொத்துகள். அவர்களின் பெயரைப் பயன்படுத்துவது குறித்து யாரும் குறைகூற முடியாது.

பெரியார் ஈவெரா பெயரைச் சொல்லிக் கொள்ளையடிப்பவர்கள் தான் நம்முடைய அரசியல் எதிரிகள். எதிரிகள் யார் எனக் கூறிவிட்டு களத்துக்கு வந்திருக்கிறோம். அவர்களை மட்டும்தான் எதிர்ப்போம். களத்தில் இல்லாதவர்களையும், களத்துக்கு தொடர்பே இல்லாதவர்களையும் எதிர்க்கும் எண்ணம் இல்லை.

தமிழ்நாட்டில் உள்ள ஆறுகளைச் சுத்தப்படுத்துவோம் என்று கூறினார்கள். அதைச் செய்யவில்லை. ஆனால், ஆற்று மணலைக் கொள்ளையடிக்கும் வேலையைச் சரியாகச் செய்கிறார்கள். மற்ற மாவட்டங்களில் மணல் காணாமல் போனதுபோல, மலைகள் காணாமல் போனதுபோல, இந்த மாவட்டத்தில்தனி வளமான செம்மண் காணாமல் போவதற்கான வாய்ப்பு இருக்கிறது.

குறு, சிறு தொழில்கள் முடக்கம்: